صندوق لعجب :

هذا صندوق لعجـب :flower: ماشي صندوق الزاج
صندوق لعجب خشب :flower: جابو النجار للـدار
النجـار مع اتباعـو :flower: جابوه للـــدوار
الشرفا سيـاد الدوار :flower: زوروه بخروه بالعـار
مبقاو لسياد فلبلاد :flower: ما شفت غير لغيار
يفرقو بيه لحبـــاب :flower: بالليل هذ اللي صـار
كبيرهم مشا ســافر :flower: خايف يغرق فالتـار
مايرواو كلام الطلبا :flower: فالمسجد ولا فالدار
دهن السير يسيــر :flower: يا ويلكم من النـار
بيه كممتو لفــواه :flower: انت بنادم غــدار
للحق تكفيــــتو :flower: وعطيتــوه بالادبار
شاعت شهادة الزور :flower: تعيش نهار تسمع اخبار
يسمعو للطالب خطبا :flower: ويقلبو السلهام بنهار
صندوق لعجب اظهر :flower: تمسحات اللواح وطار
لعقل فاش يفكــر :flower: المال بالسر والجهــار
هذا صندوق لعجـب :flower: ماشي صندوق الزاج
صندوق لعجب خشب :flower: بدل لعقول فنهــار
داق داق شكون قريب :flower: أنا صندوق العـــار
صفر ميا ميتيـــن :flower: فاين مولاة الــدار
لعجب لعجب لعجب :flower: ماشي صندوق الـزاج
صندوق لعجب خشب :flower: صندوق من لـعرعـار
ميا بقــى فـالدار :flower: مييتاين لازم تحضــار
غدا الجمعة صـوت :flower: لعشا عند العــطـار
التوجيهة والريا مرحبا :flower: والصدقة بالإشهار
عبيد الصنك المعبود :flower: سباقيـــن للمنكـار
بالمال تكممت لفواه :flower: انت بنـادم غــدار
الطمع والنفاق والربا :flower: والزنا بالعين فالكبار
النفاق زاد وسـوى :flower: الكداب بالناس لخيـار
مشى الحق مابقى دوى :flower: مشى مع الناس لكبار
يتوارتو الكره بينهم :flower: وعلموالحقد للصغار
افهم قصدي واروى :flower: هذا حال الــدوار