رسالة من فيروس أنفلونزا الخنازير إلى حبيبته

خنزور

انفلونزتي الحنونة..
كنكتب ليك من قرجوطة ديال روسوفور فواحد الطوبيس كيكولو ليه زريقة
فالمغرب, فيه الزحام كثر من الحج, هاد المغرب زوين وعجبني, مسخيتش نخرج
منو, وشكون اللي خلاك تخرج بعدا, كاين غير التحناك والبوسان بوقت ولا بلا
وقت, باينة الكلسة مع هاد الناس غادا تطوّل شوية وغادي نتوحشك بزاف,
اللقاح اللي كنتي مخلوعة عليا منّو راه مكيضورش هنا, هنا ماكاين والو
كيضور فهاد الشي ديال المحاربة ديالنا حنا الفيروسات, عندهوم الحاضي الله
و صافي, وحتى السبيطارات عندهوم زوينين وساكنين فيهوم بزاف ديال
الفيروسات, وفالحقيقة الصحاب اللي تلاقيت معاهوم فالقنات ديال السبيطارات
متلاقيتش معاهوم فالزبالة, مكلتش ليك.. تصاحبت مع بزاف الفيروسات هنا
فالمغرب ,ضريفين وزوينين ومايدوزوكش, وعاودت ليهم عليك, سيرتو "بوصفير"
و"السيدا" ترافقت أنا وياهم مزيان, سولتهوم على خطة هاد لبلاد كيدايرا باش
يحاربونا, بداو كيضحكو و كالو ليا بأن وزارة الصحة فهاد لبلاد راها غير
إشاعة, والوقت اللي كانو فيه الوزرا كيخدمو فالخطط باش يحاربونا كانت هادي
ديالهم خارجة كونجي, أسميتها ياسمينة بادو, ضريفة وزوينة و كتكمي بزاف..
كون غير جيتي هنايا أنفلونزتي الحنونة, هنايا معندهومش هاداك الشي ديال
غسبل ماعن القهاوي بجافيل ولا العطيس فكلينيكس ولا شي حاجة بحال هاكا,
أصلا لكلينيكس عندهم غالي, كيمت فطور ديال موظف ديالهوم, كاس أتاي و درهم
حرشة, و لعطيس عندهم زوين و فالكرفادة ديال اللي حداهوم نيشان, ومع عندهوم
ديك القضية ديال "تزاحمو تراحمو" بزاف فالطوبيسات و الطاكسيات, كنعيشو
معاهوم على "سنكة عشرة" فاش خلاها ولد عمي اللي فمصر.
ماتعطليش عليا فالجواب و سلمي ليا على الأنفلونز عمي وكولي ليه راه غادي يعيّد هنا فالمغرب..
مع حبي
خنزور

بدون تعليق هذا هو حال المغرب

أوساخ وأزبال في كل مكان

رسالة من فيروس أنفلونزا الخنازير إلى حبيبته 5

مدارس مستشفيات وأزقة ...

رسالة من فيروس أنفلونزا الخنازير إلى حبيبته 657089919-mini

فيضانات ...

رسالة من فيروس أنفلونزا الخنازير إلى حبيبته Driw--5

هنا نفتح باب آخر للتسائل واش حنا فاش كاين لموشكل ولا ...

رسالة من فيروس أنفلونزا الخنازير إلى حبيبته

رسالة من فيروس أنفلونزا الخنازير إلى حبيبته

رد: رسالة من فيروس أنفلونزا الخنازير إلى حبيبته